محسن اسرار، پاکستان جو مِری بات ہے، تری بھی ہے …

اُس کی پہلی نظر نے دی تھی جو!
مجھ میں وہ تمکنت ابھی بھی ہے

وہ مجھے صِرف چاہتی ہی نہیں
میرے بارے میں سوچتی بھی ہے

جی رہا ہُوں مَیں زندگی اپنی
اور کچھ اُس کی زندگی بھی ہے

ضبْط کا مادہ کچھ نہیں اُس میں
بارہا! مجھ سے وہ لڑی بھی ہے

مجھ کو مفرُور کہہ رہی ہے کیوں
تیری مُٹّھی کبھی کُھلی بھی ہے

ٹھیک سے مجھ سے پیش آ، ورنہ
میری محبوُب دوسری بھی ہے

اجنبی بن، مگر یہ دھیان میں رکھ !
میری ہوکر، بہت رہی بھی ہے
…………………………………….