ﺗﺮﮮ ﺧﯿﺎﻝ ﺳﮯ ﻟَﻮ ﺩﮮ ﺍﭨﮭﯽ ﮨﮯ ﺗﻨﮩﺎﺋﯽ
ﺷﺐِ ﻓﺮﺍﻕ ﮨﮯ ﯾﺎ ﺗﯿﺮﯼ ﺟﻠﻮﮦ ﺁﺭﺍﺋﯽ
ﺗﻮ ﮐﺲ ﺧﯿﺎﻝ ﻣﯿﮟ ﮨﮯ ﻣﻨﺰﻟﻮﮞ ﮐﮯ ﺷﯿﺪﺍﺋﯽ
ﺍُﻧﮭﯿﮟ ﺑﮭﯽ ﺩﯾﮑﮫ ﺟِﻨﮭﯿﮟ ﺭﺍﺳﺘﮯ ﻣﯿﮟ ﻧﯿﻨﺪ ﺁﺋﯽ
ﭘُﮑﺎﺭ ﺍﮮ ﺟﺮﺱِ ﮐﺎﺭﻭﺍﻥِ ﺻﺒﺢِ ﻃﺮﺏ
ﺑﮭﭩﮏ ﺭﮨﮯ ﮨﯿﮟ ﺍﻧﺪﮬﯿﺮﻭﮞ ﻣﯿﮟ ﺗﯿﺮﮮ ﺳﻮﺩﺍﺋﯽ
ﭨﮭﮩﺮ ﮔﺌﮯ ﮨﯿﮟ ﺳﺮِ ﺭﺍﮦ ﺧﺎﮎ ﺍُﮌﺍﻧﮯ ﮐﻮ
ﻣﺴﺎﻓﺮﻭﮞ ﮐﻮ ﻧﮧ ﭼﮭﯿﮍ ﺍﮮ ﮨﻮﺍﺋﮯ ﺻﺤﺮﺍﺋﯽ
ﺭﮦِ ﺣﯿﺎﺕ ﻣﯿﮟ ﮐﭽﮫ ﻣﺮﺣﻠﮯ ﺗﻮ ﺩﯾﮑﮫ ﻟﺌﮯ
ﯾﮧ ﺍﻭﺭ ﺑﺎﺕ ﺗﺮﯼ ﺁﺭﺯﻭ ﻧﮧ ﺭﺍﺱ ﺁﺋﯽ
ﯾﮧ ﺳﺎﻧﺤﮧ ﺑﮭﯽ ﻣﺤﺒّﺖ ﻣﯿﮟ ﺑﺎﺭﮨﺎ ﮔﺰﺭﺍ
ﮐﮧ ﺍﺱ ﻧﮯ ﺣﺎﻝ ﺑﮭﯽ ﭘﻮﭼﮭﺎ ﺗﻮ ﺁﻧﮑﮫ ﺑﮭﺮ ﺁﺋﯽ
ﺩﻝِ ﻓﺴﺮﺩﮦ ﻣﯿﮟ ﭘﮭﺮ ﺩﮬﮍﮐﻨﻮﮞ ﮐﺎ ﺷﻮﺭ ﺍُﭨﮭﺎ
ﯾﮧ ﺑﯿﭩﮭﮯ ﺑﯿﭩﮭﮯ ﻣﺠﮭﮯ ﮐﻦ ﺩﻧﻮﮞ ﮐﯽ ﯾﺎﺩ ﺁﺋﯽ
ﻣﯿﮟ ﺳﻮﺗﮯ ﺳﻮﺗﮯ ﮐﺌﯽ ﺑﺎﺭ ﭼﻮﻧﮏ ﭼﻮﻧﮏ ﭘﮍﺍ
ﺗﻤﺎﻡ ﺭﺍﺕ ﺗﺮﮮ ﭘﮩﻠﻮﺅﮞ ﺳﮯ ﺁﻧﭻ ﺁﺋﯽ
ﺟﮩﺎﮞ ﺑﮭﯽ ﺗﮭﺎ ﮐﻮﺋﯽ ﻓﺘﻨﮧ ﺗﮍﭖ ﮐﮯ ﺟﺎﮒ ﺍُﭨﮭﺎ
ﺗﻤﺎﻡ ﮨﻮﺵ ﺗﮭﯽ ﻣﺴﺘﯽ ﻣﯿﮟ ﺗﯿﺮﯼ ﺍﻧﮕﮍﺍﺋﯽ
ﮐﮭُﻠﯽ ﺟﻮ ﺁﻧﮑﮫ ﺗﻮ ﮐﭽﮫ ﺍﻭﺭ ﮨﯽ ﺳﻤﺎﮞ ﺩﯾﮑﮭﺎ
ﻭﮦ ﻟﻮﮒ ﺗﮭﮯ، ﻧﮧ ﻭﮦ ﺟﻠﺴﮯ، ﻧﮧ ﺷﮩﺮِ ﺭﻋﻨﺎﺋﯽ
ﻭﮦ ﺗﺎﺏِ ﺩﺭﺩ ﻭﮦ ﺳﻮﺩﺍﺋﮯ ﺍﻧﺘﻈﺎﺭ ﮐﮩﺎﮞ
ﺍُﻧﮩﯽ ﮐﮯ ﺳﺎﺗﮫ ﮔﺌﯽ ﻃﺎﻗﺖِ ﺷﮑﯿﺒﺎﺋﯽ
ﭘﮭﺮ ﺍﺱ ﮐﯽ ﯾﺎﺩ ﻣﯿﮟ ﺩﻝ ﺑﮯ ﻗﺮﺍﺭ ﮨﮯ ﻧﺎﺻﺮؔ
ﺑﭽﮭﮍ ﮐﮯ ﺟﺲ ﺳﮯ ﮨﻮﺋﯽ ﺷﮩﺮ ﺷﮩﺮ ﺭﺳﻮﺍﺋﯽ
ناصرؔ کاظمی
المرسل: فیصل خورشید

جواب دیں
تبصرہ کرنے سے پہلے آپ کا لاگ ان ہونا ضروری ہے۔