پیر • 5 اکتوبر 2026ء
📚 کتب خانہ ۱۴۸٬۸۹۴

ویرانے کو وَحشت زندہ رکھتی ہے دل کو ایک محبّت زندہ…

ویرانے کو وَحشت زندہ رکھتی ہے
دل کو ایک محبّت زندہ رکھتی ہے

آئنے کو زندہ رکھتا ہوں مَیں
مجھ کو حیرت زندہ رکھتی ہے

دیواروں کو ‘ دروازے کو ‘ آنگن کو
گھر آنے کی عادت زندہ رکھتی ہے

اپنے آپ سے کہتا ہوں ‘ مَیں زندہ ہوں
اور یہی اک صورت زندہ رکھتی ہے

صحرا میں بھی آنکھیں خشک نہیں ہوتیں
دریاؤں سے نسبت زندہ رکھتی ہے

( ذُوالفقار عادِلؔ )