پیر • 5 اکتوبر 2026ء
📚 کتب خانہ ۱۴۸٬۸۹۴

نعتِ رسول مقبولﷺ – گلنار آفرین میں جس کو سوچتی ہو…

نعتِ رسول مقبولﷺ – گلنار آفرین

میں جس کو سوچتی ہوں وہ دنیا تمہی تو ہو
آنکھوں کا خواب دل کی تمنا تمہی تو ہو

مہر و مہ و نجوم میں تم سے ہے روشنی
محور ہر ایک نور کاآقاؐ تمہی تو ہو

دردو ملال و وحشت دل سے ڈروں میں کیوں
ہر رنج و غم کا میرے مداوا تمہی تو ہو

حِرف سخن ثنائے محمدﷺ کا پھول ہے
کنجِ دعا میں نام جو مہکا تمہی تو ہو

پر نور منزلوں کے ستارے ٹھہر گئے
آنکھوں میں انتظار کی دنیا تمہی تو ہو

سمجھا ہے ہم نے تم سے خدا کے کلام کو
لہجہ قرآن پاک کا مولا تمہی تو ہو

لفظوں کے بدلے موتی جڑے ہیں جو نعت میں
گلنارؔ کے خیال کا گہنا تمہی تو ہو