مغنیوں کو بلاؤ کہ نیند آ جائے
کہو وہ گیت سناؤ کہ نیند آ جائے
چلے بھی آؤ مرے جیتے جی اب اتنا بھی
نہ انتظار بڑھاؤ کہ نیند آ جائے
چراغِ عمرِ گذشتہ بجھا دیا کس نے
وہی چراغ جلاؤ کہ نیند آ جائے
حقیتوں نے تو کھل کھل کے نیند اڑا دی ہے
نئے طلسم بناؤ کہ نیند آ جائے
سکوں نصیبو! اِدھر آؤ اور کوئی تدبیر
ذرا ہمیں بھی بتاؤ کہ نیند آ جائے
بڑی طویل ہے محشر کسی کے ہجر کی بات
کوئی غزل ہی سناؤ کہ نیند آ جائے
(محشر عنایتی)
المرسل :-: ابوالحسن علی ندوی
جواب دیں
تبصرہ کرنے سے پہلے آپ کا لاگ ان ہونا ضروری ہے۔