ماں کا کچن سانجھا ہوتا ہے۔ ماں کے کچن میں دودھ ختم نہیں ہوتا، چاےٌ کی پتی کا حساب نہیں ہوتا،
ماں کے کچن جب چاہو واش بیسن میں جھوٹے برتن رکھ دو جب چاہو دیسی گھی کے پراٹھے کی فرمائش کر دو ،
جب چاہو چوکی پر بیٹھ کر لال ڈبے میں رکھا گُڑ چاٹ لو، آتے جاتے مونگ پھلی منہ میں دبا لو، ماں کبھی مڑ کر نہیں پوچھے گی کہ پنیر کہاں گیا اور کیلے کس نے کھاےٗ؟
ماں کا کچن دو چولہے کا بھی ہو تو پورے کنبے کا سالن بنالیتا ہے، ماں کا تندور بالشت بھر کا بھی ہو تو دس جنوں کی روٹی بن جاتی ہے۔
آگر تمہیں ماں کا کچن نصیب ہے تو یقین جانو تم امیر آدمی ہو کہ رات کے دو بجے بھی گھر پہنچو گے تو گھڑے کا ٹھنڈا پانی اور کپڑے میں لپٹی تازی روٹی اور لذیذ نمکین سالن ملے گا ،کہ ہر ماں سونے سے پہلے اپنی مسافر اولاد کا کھانا باندھ کر کچن میں رکھ دیتی ہے۔ کہ کبھی تو نادان گھر آئے گا ،اور آتے ہی کچن میں داخل ہو جائے گا۔ اس یقین کے ساتھ کہ ماں کبھی اولاد کو بھوکا نہیں سونے دیتی۔
ماں ماں ہی ہوتی ہے ♥
جس گھر سے ماں کی آوازیں آتی ہیں وہ بہت خوش نصیب گھر ہے
اللہ پاک سب ماؤں کو سلامت رکھے اور مجھے اور آپ کو اپنے والدین کی قدر کرنے کی توفیق عطاء فرمائے
آمین یارب العالمین ♥
Source
