( غیــر مطبــوعـہ )
تم نہیــں جـــــانتے' مَیــں ہم سفَــــــراں جانتا ہوں
چهــوڑ جــائے گا مجهے کــون کہـــۤاں' جانتا ہوں
کیسـے آ ملتے ہیـں ہر شــــــــام صــــــدائیں دیتے
مجھ سے پوچهـو' مَیں پرندوں کی زباں جانتا ہوں
ایک پیاسے کی بهی جـو پیاس بُجهــــــا پاتا نہ ہو
ایسے دریـا کـو تو بس ریگــــــــ ِرواں جانتا ہوں
کــوئی پہچـــان میں مشـــکل نہیــں ہوتی مجھ کو
اپنے دشــمن کا نســـب نام و نشـــــــاں جانتا ہوں
رات کیــــا بات ہواؤں میں چـــــراغوں میں ہوئی
کس نے کب بدلا تهــــــــــــا انداز ِبیاں' جانتا ہوں
مجھ پہ گــــذری ہے' مجهے حـــال بتانے دیجے
کیسے اُجـــــــــڑا ہے مِـــرا باغ ِ زیاں' جانتا ہوں
تم نے ہونے کو بهی ہونا نہیں جـــانا اب تکـــــــــ
مَیـں نہ ہونے کو بهی ایقــــان ِگماـــــں جانتا ہوں
کون' کس وقت 'کسـے جــا کے کہـــــاں ملتا ہے
آپ کے بارے میـں' اے خَـلـــوَتیاں !!! جانتا ہوں
کیـوں نہ پهر دَر بَہ دَری میـــرا مقـــدّر ٹهــہرے
لامـکاں کو بهـی تو مَیـں ایکــــــ مکاں جانتا ہوں
جیسے وہ صــــاحِب ِ اَســـــــــــرار بنا پهرتا ہے
تم بهی سب جانتے ہو' میں بهی میاں! جانتا ہوں
میں نے پرواز کے دوران میں دیکهـــــا ہوا ہے
کـــوئی کب راہ میں پڑتا ہے جہــاں ' جانتا ہوں
آپ کی بات پہ خـــامـوش ہوں ورنہ ' صــاحِب !
آسمــانوں کو تو مَیــں صِــرف دُهواؑں جانتا ہوں
( طــارِق ؔ نعیـــم )
جواب دیں
تبصرہ کرنے سے پہلے آپ کا لاگ ان ہونا ضروری ہے۔