پیر • 5 اکتوبر 2026ء
📚 کتب خانہ ۱۴۸٬۸۹۴

( غیــر مطبــوعــہ ) جو میرے غم ، خوشی ، ڈر جا…

( غیــر مطبــوعــہ )

جو میرے غم ، خوشی ، ڈر جانتا ہے
وہ اندر کیا ہے منظر ‘ جانتا ہے

ہے دل میں موج زن طوفان کتنا
مِرا رب مجھ سے بہتر جانتا ہے

مچلتی ہیں کنارے پر جو لہریں
میں پیاسی ہوں ‘ َسمندر جانتا ہے

بنے گا دل کا پتّھر کیسے ہیرا
یہ فن بھی دستِ آزر جانتا ہے

دعا ئیں کس طر ح مقبول ہو ں گی
وہ کیفیّت مقّدر جانتا ہے

یہی اک بات سائے کی ہے اچّھی
مجھے اپنے برا بر جانتا ہے

میں اس کے دل میں کب سے بس رہی ہو ں
جو مجھ کو دل سے باہَر جانتا ہے

نہ جانے کون اُس کے ساتھ ہوگا
بدلتی ُرت کا تیور جانتا ہے

وہ انساں دل سے غمگیں ہے ‘ ســبیلہؔ !
جسے ہنس مُکھ ُتو اکثر جانتا ہے

( ســـبیلـہؔ انعــام صــدّیـقـی )