( غیــر مطبــوعــہ )
باندھ کر گُھنرُو ۔۔ کبھی وہ کِیا کرتا تھا دھمال !
ہم نے اِس واسطے ہر گیت میں لکّھا ہے ‘ دھمال ”
لعل شہ باز قلندر کی گلی کا مَنگتا
جب کوئی بات لکھے ‘ بات میں لکھتا ہے ” دھمال ”
مَنّتیں مان کے جس شخص کو ۔۔ ماں نے مانگا
رات دن اِس لئے اُس شخص نے سوچا ہے ” دھمال ”
ہیر اور سوہنی سے اِس بات کا جا کر پوچھو
آنکھ ہے جھیل ۔۔ تو اِس جھیل کا دریا ہے ” دھمال ”
منزل ِ عشق پہ گاڑی نہیں جاتی ‘ مقبُـولؔ !
اُن کے دَر جانے کا بس ایک ہی رستہ ہے ” دھمال ”
( سیّــِــد مقبُــول حُـسَـــیـن )

جواب دیں
تبصرہ کرنے سے پہلے آپ کا لاگ ان ہونا ضروری ہے۔