سیماب اکبرآبادی تصویرذہن میں نہیں تیرے جمال کی آ…

سیماب اکبرآبادی

تصویرذہن میں نہیں تیرے جمال کی
آباد ہو کے لُٹ گئی دُنیا خیال کی

دامن کشِ حواس ہے وحشت خیال کی
کتنی جُنوں اثر ہے بہاراب کے سال کی

میں صُورتِ چراغ جَلا اور بُجھ گیا
لایا تھا عمْرمانگ کے شامِ وصال کی

یوں طُورکو جَلا دِیا برقِ جمال نے
پتّھر میں رہ نہ جائے تَجلّی جمال کی

پہلے خیال، خواب سے تھا طالبِ سُکوں
اب خواب ڈھونڈتا ہے پناہیں خیال کی

موسیٰ کو لاؤ، طُور پر آجاؤ دیکھ لو
اب بھی یہیں کہیں ہے تجلّی جمال کی

جلوَت میں ہُوں، تو شاکئ ھنگامۂ ہجُوم
خلوَت میں ہُوں، تو ساتھ ہے دُنیا خیال کی

تاریک تھی رہِ طَلب، آزردہ تھے کلِیم
بجلی نے آکے شمع جلادی جمال کی

چھوڑ آئی لامکان کوبھی پیچھے تِری تلاش
اپنی حدوں سے بڑھ گئی وُسعَت خیال کی

سیماب، یہ شباب، یہ ابر، اور یہ بہار
انگڑائیاں ہیں صرف نشاطِ خیال کی

سیماب اکبر آبادی
……………………..
tasveer zehn meN nahiN teray jamaal ki
aabaad ho ke luT gai duniya khayaal ki

daman kash-e-hawaas hai wehshat khayaal ki
kitni junooN asar hai baar ab ke saal ki

maiN soorat-e-charaagh jala aur bujh gaya
laay tha umr maaNg ke shaam-e-visaal ki

yuN toor ko jala diya berq-e-jamaal ne
pathhar meN reh na jaa’ay tajalli jamaal ki

pehlay khayaal khuwaab se tha taalib-e-sukooN
ab khuwaab DhooNDta hai panaheN khayaal ki

moosa ko laa’o, toor peh aa jaa’o daikh lo
ab bhi yaheeN kaheeN hai tajalli jamaal ki

jalwat meN hooN, to shaaki-e-hanga-e-hujoom
khilwat meN hoon to saath hai duniya khayaal ki

taareek thi reh-e-talab aazerdah thay kaleem
bijli nay aa ke sham’a jaladi jamaal ki

chhoaR aaii la’makaaN ko peechay tiree talaash
apne hadoN se baRh gai wus’at khayaal ki

Seemaab! yeh shabaab, ye abr aur ye bahaar
aNgRaaiyaaN haiN sirf nishaat-e-khayaal ki

seemab akbaraabadi