پیر • 5 اکتوبر 2026ء
📚 کتب خانہ ۱۴۸٬۸۹۴

سَتر سال دا راشن پانی لَبھ جائے اِکو واری مرشد ساڈی خاطر وی کوئی کرو وظیفہ جاری …

سَتر سال دا راشن پانی
لَبھ جائے اِکو واری
مرشد ساڈی خاطر وی کوئی
کرو وظیفہ جاری

دَم کرو تے سُٹو ماسا
ساڈے وَل خوشحالی
سُکے مُکے جیون اُتے
آجاوے ہریالی

مارو انج دی پھوک اساڈی
کُلی بنے چوبارا
آپے سوچو مرشد ایویں
کرئیے کِنج گزارا

جدوں سرہانہ چُکیئے اپنا
تھلیوں ڈالر نکلن
کچے ویہڑے دے وِچ ساڈے
پَیر کدی نہ تِلکن

آل دوالے چیکاں مارے
حَدوں وَدھ مہنگائی
مرشد کُجھ تے کرو اساڈی
جان لباں تے آئی……………….!

حکیم احمد نعیم ارشد



Source