پیر • 5 اکتوبر 2026ء
📚 کتب خانہ ۱۴۸٬۸۹۴

بات میں ہو گئے خفا صاحب​ یہ بھی کوئی بات تھی بھلا …

بات میں ہو گئے خفا صاحب​
یہ بھی کوئی بات تھی بھلا صاحب​
​
اب جو یوں تم نے منہ تتھایا ہے​
پھر نہ بولو گے ہم سے کیا صاحب​
​
صدقے ہیں ہم تمہاری صورت کے​
زور بیٹھے ہو منہ بنا صاحب​
​
ہیں کھُلے گٌل کی طرح بندِ قبا​
کیا تمہیں بھی لگی ہوا صاحب؟​
​
ہم سے ملتے ہی بے وفائی کی​
یہ ہی ہوتی ہے کیا وفا صاحب؟​
​
ووں ہی کچھ تم نکل ہی بھاگے ولے​
میں کوئی تم کو چھوڑتا صاحب​
​
بچ گئے رات میرے ہاتھوں سے ​
دو نصیبوں کے تئیں دعا صاحب​
​
پوچھتے کیا ہو مصحفیؔ کا نشاں​
خاک میں وہ تو مل گیا صاحب​
​
(غلام ہمدانی مصحفیؔ)​