میں گفتگو کا نہیں، سوچنے کا عادی ہوں سو میں نے عشق…

میں گفتگو کا نہیں، سوچنے کا عادی ہوں
سو میں نے عشق بھی تجھ ایسے کم سخن سے کیا
…
عرفان ستّار کا یومِ پیدائش
Feb 18, 1968
عرفان ستّار ۱۸ فروری ۱۹۶۸ میں کراچی میں پیدا ہوئے۔۲۰۱۰ میں کینیڈا منتقل ہوگئے اور اب ٹورنٹو میں مستقل سکونت ہے۔
منتخب اشعار
…
تجھے یہ ضد ہے مگر اس طرح نہیں ہوتا
کہ تو بھی زندہ رہے داستاں بھی زندہ رہے
۔۔۔۔۔۔۔۔۔
اک چبھن ہے کہ جو بے چین کیے رہتی ہے
ایسا لگتا ہے کہ کچھ ٹوٹ گیا ہے مجھ میں
……
ہاں ویسے تو حجرہِ جاں میں بے ترتیبی ٹھیک نہیں
لیکن کیا ترتیب سے رکھوں، سب کچھ درہم برہم ہے
۔۔۔۔۔۔۔۔۔۔۔
نہیں نہیں، یہ بھلا کس نے کہہ دیا تم سے؟
میں ٹھیک ٹھاک ہوں، ہاں بس ذرا اداسی ہے
۔۔۔۔۔۔۔۔
وہ ایک پل ہی سہی جس میں تم میسّر ہو
اُس ایک پل سے زیادہ تو زندگی بھی نہیں
۔۔۔۔۔۔۔۔
شام ہوتے ہی لگاتے ہیں درِ دل پہ صدا
آبلہ پا ہیں ، اکیلے ہیں ،اماں چاہتے ہیں
۔۔۔۔۔۔۔۔۔۔
اک چبھن ہے کہ جو بے چین کیے رہتی ہے
ایسا لگتا ہے کہ کچھ ٹوٹ گیا ہے مجھ میں
۔۔۔۔۔۔۔۔
اپنی خبر، نہ اس کا پتہ ہے، یہ عشق ہے
جو تھا، نہیں ہے، اور نہ تھا، ہے، یہ عشق ہے
—
کوئی ملا تو کسی اور کی کمی ہوئی ہے
سو دل نے بے طلبی اختیار کی ہوئی ہے
—
یا ملاقات کے امکان سے باہر ہو جا
یا کسی دن مری فرصت کو میسر ہو جا
—
مجلس غم، نہ کوئی بزم طرب، کیا کرتے
گھر ہی جا سکتے تھے آوارۂ شب، کیا کرتے
—
سخن کے شوق میں توہین حرف کی نہیں کی
کہ ہم نے داد کی خواہش میں شاعری نہیں کی
—
ہمیں بھی اپنا مقلد شمار کر غالبؔ
کہ ہم بھی رشک سے تیرے ہنر کو دیکھتے ہیں
—
لفظوں کے برتنے میں بہت صرف ہوا میں
اک مصر تازہ بھی مگر کہہ نہ سکا میں
—
غموں میں کچھ کمی یا کچھ اضافہ کر رہے ہیں
سمجھ میں کچھ نہیں آتا کہ ہم کیا کر رہے ہیں
۔۔۔۔۔۔۔۔
زباں پہ حرف ِ ملائم بھی، دل میں کینہ بھی
عجیب شخص ہے، اچھا بھی ہے، کمینہ بھی
۔۔۔۔۔۔۔۔
‏تیرے ماضی کے ساتھ دفن کہیں
‏میرا اِک واقعہ نہیں، مَیں ہوں
۔۔۔۔۔۔۔۔۔۔
فقیہ ِ شہر کی ہر بات مان لو چپ چاپ
اگر سوال اٹھایا، تو زندگی سے گئے
نہ پوچھیئے کہ وہ کس کرب سے گزرتے ہیں
جو آگہی کے سبب عیش ِ بندگی سے گئے
۔۔۔۔۔۔۔۔
پھونک دی جاتی ہے اس طرح مرے شعر میں روح
جیسے سانسوں میں کوئی کن فیکوں بولتا ہے
۔۔۔۔۔۔۔۔
میں گفتگو کا نہیں، سوچنے کا عادی ہوں
سو میں نے عشق بھی تجھ ایسے کم سخن سے کیا
۔۔۔۔۔۔۔
ہم بھی حیراں ہیں بہت خود سے بچھڑ جانے پر
مستقل اپنی ہی جانب نگراں تھے ہم بھی
اب کہیں کیا، کہ وہ سب قصہءِ پارینہ ہُوا
رونقِ محفلِ شیریں سخناں تھے ہم بھی
۔۔۔۔۔۔۔۔
اس عہد بد لحاظ میں ہم سے گداز قلب
زندہ ہی رہ گئے تو بڑا کام کر گئے
۔۔۔۔۔۔۔۔۔
میری غزل میں ھے کسی لہجے کی بازگشت
اک یار ِ خوش کلام و طرح دار مجھ میں ھے
حد ھے، کہ تُو بھی میری اذیّت نہ پڑھ سکا
شاید کوئی بلا کا اداکار مجھ میں ھے
۔۔۔۔۔۔۔۔۔
ایک ھی سمت ھر اک خواب چلا جاتا ھے
یاد ھے یا کوئی نقشِ کفِ پا ھے مجھ میں؟
مجلسِ شام ِ غریباں ھے بپا چار پہر ۔۔۔۔ !!
مستقل بس یہی ماحولِ عزا ھے مجھ میں
۔۔۔۔۔۔۔۔
تری تمام ریاکاریوں سے واقف ھوں
یقین کر بڑا لطف اس نباہ میں ھے
…………..