سراج الدین بیدمؔ شاہ وارثی
سیّد انوار حسین آرزُوؔ لکھنوی
حنیف مُحَمَّد فناؔ بلند شہری
۔۔۔۔۔
بیدمؔ
ساقی پی کے تِرے ہاتھ سے مستانہ بنُوں
وجد میں رقص کناں صُورتِ پیمانہ بنُوں
لیلیٰ پردہ نشیں ہو کبھی قیس عُریاں
شمعِ محفِل ہُوں کبھی اور کبھی پروانہ بنُوں
سر تاپا نظرِ شوق کی پتلی بن کر
محوِ دیدارِ جمالِ رُخِ جانانہ بنُوں
میرا دم قُلْقُلِ مِینا کی صدا پر نِکلے
خاک بھی ہؤں تو غُبارِ رہِ میخانہ بنُوں
بن چُکے بندۂ بُت حضرتِ بیدمؔ اب کیا
اِس کو پہلے ہی سمجھتے تھے بنُوں یا نہ بنُوں۔۔۔!
۔۔۔۔۔
آرزوؔ
خاک ہو کر بھی نُمائِندۂ میخانہ بنُوں
کبھی خوش وضع صُراحی کبھی پیمانہ بنُوں
اللہ اللہ فریبِ رُخِ زیباۓ صنم
کعبۂ دِل کو بھی حسرت ہے صنم خانہ بنُوں
اِمتِحانِ عِشق میں منظُور ہے غم خواروں کا
اِک زرا ہوش میں آجاؤں تو دیوانہ بنُوں
اے فلَک میرے لیے ہے اِسی پستی میں عُرُوج
تُو مِٹا مُجھ کو مَیں خاکِ دَرِ جانانہ بنُوں
آب و گِل میں ہے نِہاں سوزِ فِراق ساقی
پُختہ ہو جاؤں تو خِشتِ خُمِ میخانہ بنُوں
بزمِ ہستی میں ہے جلانے سے جلنا اچھّا
شمع بننے سے یہ بہتر ہے کہ پروانہ بنُوں
عِشق ہے جُرم اگر جُرمِ سزاوار سزا
آرزُوؔ اب مفر اِس میں ہے کہ دیوانہ بنُوں۔۔۔!
۔۔۔۔۔
فناؔ
جو تِرے حُسن پہ مٹ جائے وہ پروانہ بنُوں
میرے جاناں مَیں تِرے عِشق کا افسانہ بنُوں
بندَگی کا وہ سلِیقہ دے مُجھے بندَہ نواز
مِٹ بھی جاؤں تو مَیں سنگِ دَرِ جانانہ بنُوں
عِشق نے کر دیا مجبُور یہاں تک مُجھکو
جان اُس بُت پہ فِدا کر کے مَیں بُت خانہ بنُوں
اِتنی چاہت ہے مُجھے اے مِرے محبُوب تِری
تو جو بن جائے صنم میں بھی صنم خانہ بنُوں
عِشقِ محبُوب کُچھ اِس طرح مِٹائے مُجھکو
اے فناؔ ہو کے فنا جلوۂ جانانہ بنُوں۔۔۔!
ایک زمین
سراج الدین بیدمؔ شاہ وارثی
سیّد انوار حسین آرزُوؔ لکھنوی
حنیف مُحَمَّد فناؔ بلند شہری
۔۔۔۔۔
بیدمؔ
ساقی پی کے تِرے ہاتھ سے مستانہ بنُوں
وجد میں رقص کناں صُورتِ پیمانہ بنُوں
لیلیٰ پردہ نشیں ہو کبھی قیس عُریاں
شمعِ محفِل ہُوں کبھی اور کبھی پروانہ بنُوں
سر تاپا نظرِ شوق کی پتلی بن کر
محوِ دیدارِ جمالِ رُخِ جانانہ بنُوں
میرا دم قُلْقُلِ مِینا کی صدا پر نِکلے
خاک بھی ہؤں تو غُبارِ رہِ میخانہ بنُوں
بن چُکے بندۂ بُت حضرتِ بیدمؔ اب کیا
اِس کو پہلے ہی سمجھتے تھے بنُوں یا نہ بنُوں۔۔۔!
۔۔۔۔۔
آرزوؔ
خاک ہو کر بھی نُمائِندۂ میخانہ بنُوں
کبھی خوش وضع صُراحی کبھی پیمانہ بنُوں
اللہ اللہ فریبِ رُخِ زیباۓ صنم
کعبۂ دِل کو بھی حسرت ہے صنم خانہ بنُوں
اِمتِحانِ عِشق میں منظُور ہے غم خواروں کا
اِک زرا ہوش میں آجاؤں تو دیوانہ بنُوں
اے فلَک میرے لیے ہے اِسی پستی میں عُرُوج
تُو مِٹا مُجھ کو مَیں خاکِ دَرِ جانانہ بنُوں
آب و گِل میں ہے نِہاں سوزِ فِراق ساقی
پُختہ ہو جاؤں تو خِشتِ خُمِ میخانہ بنُوں
بزمِ ہستی میں ہے جلانے سے جلنا اچھّا
شمع بننے سے یہ بہتر ہے کہ پروانہ بنُوں
عِشق ہے جُرم اگر جُرمِ سزاوار سزا
آرزُوؔ اب مفر اِس میں ہے کہ دیوانہ بنُوں۔۔۔!
۔۔۔۔۔
فناؔ
جو تِرے حُسن پہ مٹ جائے وہ پروانہ بنُوں
میرے جاناں مَیں تِرے عِشق کا افسانہ بنُوں
بندَگی کا وہ سلِیقہ دے مُجھے بندَہ نواز
مِٹ بھی جاؤں تو مَیں سنگِ دَرِ جانانہ بنُوں
عِشق نے کر دیا مجبُور یہاں تک مُجھکو
جان اُس بُت پہ فِدا کر کے مَیں بُت خانہ بنُوں
اِتنی چاہت ہے مُجھے اے مِرے محبُوب تِری
تو جو بن جائے صنم میں بھی صنم خانہ بنُوں
عِشقِ محبُوب کُچھ اِس طرح مِٹائے مُجھکو
اے فناؔ ہو کے فنا جلوۂ جانانہ بنُوں۔۔۔!
