تجھ پہ لعنت ہو کہ میلاد پہ ناشاد ہوا ۔۔۔۔۔۔۔۔۔۔۔۔۔…

تجھ پہ لعنت ہو کہ میلاد پہ ناشاد ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا غضب رحمتِ عالَم ترا میلاد ہوا
نجد کا نجد عزازیل کا برباد ہوا

ہائے دیکھی نہ گئی اُن کی ولادت کی خوشی
تجھ پہ لعنت ہو کہ میلاد پہ ناشاد ہوا

بدعت و شِرک ہو تعظیمِ محمَّد جس میں
وہ کہاں دین ہوا وہ تو بس اِلحاد ہوا

نسل در نسل عداوت تجھے سرکار سے ہے
کتنا ناپاک ترا مسلکِ اجداد ہوا

آیتِ فرحتِ پیدائشِ آقا پہ ہو غور !
دیکھ قرآن میں کیا صاف یہ ارشاد ہوا

اب بھی تُو مجھ سے دلیلوں کو طلب کرتا ہے
تُو تو انساں نہ ہوا خوکِ بَنِ عاد ہوا

آ بتاؤں تجھے آدابِ نبوّت کیا ہیں
آ دِکھاؤں تجھے کیا مشربِ اَوتاد ہوا

تُو بتا کون بنا باعثِ ایجادِ جہاں
کون تفصیلِ وجودات کی بنیاد ہوا

کون ہے قاسم و مختارِ عطا اُن کے سِوا
کون کونین کے رُخ کا رُخِ اِمداد ہوا

کون ہے شافع و ساقی و مددگارِ رُسُل
کون یوں قبلہِ گہِ عالمِ فریاد ہوا

وہ نہ ہوتے تو ترا ہونا بھی کیا ہونا تھا
اُن کے ہونے سے ہی تیرا عدم آباد ہوا

دلِ اعداء کو کچلتا ہے سخن رازیٓ کا
گویا ہر شعر کوئی مِطرَقِ حدّاد ہوا

بندۂ لاشئ
میرزا امجد رازیٓ

فرہنگ :
1 : عزازیل : شیطان کا پہلا نام
2 : آیتِ فرحتِ پیدائش
قُلْ بِفَضْلِ اللّٰهِ وَ بِرَحْمَتِهٖ فَبِذٰلِكَ فَلْیَفْرَحُوْاؕ-هُوَ خَیْرٌ مِّمَّا یَجْمَعُوْنَ
"تم فرماؤ اللہ ہی کے فضل اور اسی کی رحمت اور اسی پر چاہئے کہ خوشی کریں وہ ان کے سب دھن دولت سے بہتر ہے”
3 : خُوکِ بَنِ عاد : قومِ عاد کے جنگل کا سؤر
4 : مشربِ اوتاد : مقربینِ خدا کا مسلک
5 : قبلہ گہِ عالمِ فریاد : عرصۂ محشر کا مرکزِ التفات
6 : مطرقِ حدّاد : لوہار کا ہتھوڑا