وہ ایک گوالہ تھا اس نے صبح سویرے اٹھ کر چھت پر جاکر بجلی کا غیر قانونی کنکشن اتارا تاکہ سورج کی روشنی پھیلنے کے بعد کوئی اس کنکشن کو دیکھ نہ لے پھر اس نے دودھ میں پانی ملایا اور اپنی موٹر سائیکل پہ رکھ کر شہر کی طرف سپیڈ لگائی، راستے میں ایک پولیس چوکی بھی تھی جس پر کاغذات پورے نہ ہونے کی وجہ سے پورے پچاس روپے خاموشی کے ساتھ پولیس والے کے ہاتھ میں پکڑا کر مسکراتے ہوئے اللہ نگہبان کہہ کر چل دیا تمام دن شہر بھر میں ملاوٹ بھرا دودھ فروخت کرنے کے بعد جب وہ بال کٹوانے حجام کی دکان پہ پہنچا تو وہاں اخبار اٹھا کر پڑھنا شروع کیا پہلی خبر یوں تھی
” دنیا بھر میں پاکستان کرپشن میں دوسرے نمبر پر آیا ہے ”
اس نے انتہائی افسوس سے کہا
” کیا ہوگا ہمارے اس ملک کا، اللہ تعالی کب اس ملک کو اچھا حکمران نصیب کرے گا اور کب ہمارے دن بدلے گے، کون ہماری مدد کو آئے گا ”

جواب دیں
تبصرہ کرنے سے پہلے آپ کا لاگ ان ہونا ضروری ہے۔