ﻓﯿﺾ ﺍﺣﻤﺪ ﻓﯿﺾؔ ﺍﻭﺭ ﺍﺣﻤﺪ ﻓﺮﺍﺯؔ ﺍﺭﺩﻭ ﺷﺎﻋﺮﯼ ﮐﮯ ﺩﻭ ﺑﮩﺖ ﺑﮍﮮ ﻧﺎﻡ ﮨﯿﮟ، ﺍﻥ ﺩﻭﻧﻮﮞ ﺷﺎﻋﺮﻭﮞ ﮐﯽ ﺩﻭ ﺩﻟﭽﺴﭗ ﺍﻭﺭ ﻣﺸﮩﻮﺭ ﻭ ﻣﻌﺮﻭﻑ ﻏﺰﻟﯿﮟ ﺟﻮ ﺍﯾﮏ ﮨﯽ ﺯﻣﯿﻦ ﻣﯿﮟ ﮨﯿﮟـ
ﺑﮯ ﺩﻡ ﮨﻮﺋﮯ ﺑﯿﻤﺎﺭ ﺩﻭﺍ ﮐﯿﻮﮞ ﻧﮩﯿﮟ ﺩﯾﺘﮯ
ﺗﻢ ﺍﭼّﮭﮯ ﻣﺴﯿﺤﺎ ﮨﻮ ﺷﻔﺎ ﮐﯿﻮﮞ ﻧﮩﯿﮟ ﺩﯾﺘﮯ
ﺩﺭﺩِ ﺷﺐِ ﮨﺠﺮﺍﮞ ﮐﯽ ﺟﺰﺍ ﮐﯿﻮﮞ ﻧﮩﯿﮟ ﺩﯾﺘﮯ
ﺧﻮﻥِ ﺩﻝِ ﻭﺣﺸﯽ ﮐﺎ ﺻﻠﮧ ﮐﯿﻮﮞ ﻧﮩﯿﮟ ﺩﯾﺘﮯ
ﻣﭧ ﺟﺎﺋﮯ ﮔﯽ ﻣﺨﻠﻮﻕ ﺗﻮ ﺍﻧﺼﺎﻑ ﮐﺮﻭ ﮔﮯ
ﻣﻨﺼﻒ ﮨﻮ ﺗﻮ ﺍﺏ ﺣﺸﺮ ﺍﭨﮭﺎ ﮐﯿﻮﮞ ﻧﮩﯿﮟ ﺩﯾﺘﮯ
ﮨﺎﮞ ﻧﮑﺘﮧ ﻭَﺭَﻭ ﻻﺅ ﻟﺐ ﻭ ﺩﻝ ﮐﯽ ﮔﻮﺍﮨﯽ
ﮨﺎﮞ ﻧﻐﻤﮧ ﮔَﺮَﻭ ﺳﺎﺯ ﺻﺪﺍ ﮐﯿﻮﮞ ﻧﮩﯿﮟ ﺩﯾﺘﮯ
ﭘﯿﻤﺎﻥِ ﺟﻨﻮﮞ ﮨﺎﺗﮭﻮﮞ ﮐﻮ ﺷﺮﻣﺎﺋﮯ ﮔﺎ ﮐﺐ ﺗﮏ
ﺩﻝ ﻭﺍﻟﻮ، ﮔﺮﯾﺒﺎﮞ ﮐﺎ ﭘﺘﺎ ﮐﯿﻮﮞ ﻧﮩﯿﮟ ﺩﯾﺘﮯ
ﺑﺮﺑﺎﺩﯼٔ ﺩﻝ ﺟﺒﺮ ﻧﮩﯿﮟ ﻓﯿﺾؔ ﮐﺴﯽ ﮐﺎ
ﻭﮦ ﺩﺷﻤﻦِ ﺟﺎﮞ ﮨﮯ ﺗﻮ ﺑُﮭﻼ ﮐﯿﻮﮞ ﻧﮩﯿﮟ ﺩﯾﺘﮯ
فیض احمد فیضؔ
—————
ﺧﺎﻣﻮﺵ ﮨﻮ ﮐﯿﻮﮞ ﺩﺍﺩِ ﺟﻔﺎ ﮐﯿﻮﮞ ﻧﮩﯿﮟ ﺩﯾﺘﮯ
ﺑﺴﻤﻞ ﮨﻮ ﺗﻮ ﻗﺎﺗﻞ ﮐﻮ ﺩﻋﺎ ﮐﯿﻮﮞ ﻧﮩﯿﮟ ﺩﯾﺘﮯ
ﻭﺣﺸﺖ ﮐﺎ ﺳﺒﺐ ﺭﻭﺯﻥِ ﺯﻧﺪﺍﮞ ﺗﻮ ﻧﮩﯿﮟ ﮨﮯ
ﻣﮩﺮ ﻭ ﻣﮧ ﻭ ﺍﻧﺠﻢ ﮐﻮ ﺑﺠﮭﺎ ﮐﯿﻮﮞ ﻧﮩﯿﮟ ﺩﯾﺘﮯ
ﺍﮎ ﯾﮧ ﺑﮭﯽ ﺗﻮ ﺍﻧﺪﺍﺯِ ﻋﻼﺝِ ﻏﻢِ ﺟﺎﮞ ﮨﮯ
ﺍﮮ ﭼﺎﺭﮦ ﮔﺮﻭ، ﺩﺭﺩ ﺑﮍﮬﺎ ﮐﯿﻮﮞ ﻧﮩﯿﮟ ﺩﯾﺘﮯ
ﻣﻨﺼﻒ ﮨﻮ ﺍﮔﺮ ﺗﻢ ﺗﻮ ﮐﺐ ﺍﻧﺼﺎﻑ ﮐﺮﻭ ﮔﮯ
ﻣﺠﺮﻡ ﮨﯿﮟ ﺍﮔﺮ ﮨﻢ ﺗﻮ ﺳﺰﺍ ﮐﯿﻮﮞ ﻧﮩﯿﮟ ﺩﯾﺘﮯ
ﺭﮨﺰﻥ ﮨﻮ ﺗﻮ ﺣﺎﺿﺮ ﮨﮯ ﻣﺘﺎﻉِ ﺩﻝ ﻭ ﺟﺎﮞ ﺑﮭﯽ
ﺭﮨﺒﺮ ﮨﻮ ﺗﻮ ﻣﻨﺰﻝ ﮐﺎ ﭘﺘﺎ ﮐﯿﻮﮞ ﻧﮩﯿﮟ ﺩﯾﺘﮯ
ﮐﯿﺎ ﺑﯿﺖ ﮔﺌﯽ ﺍﺏ ﮐﮯ ﻓﺮﺍﺯؔ ﺍﮨﻞِ ﭼﻤﻦ ﭘﺮ
ﯾﺎﺭﺍﻥِ ﻗﻔﺲ ﻣﺠﮫ ﮐﻮ ﺻﺪﺍ ﮐﯿﻮﮞ ﻧﮩﯿﮟ ﺩﯾﺘﮯ
احمد فرازؔ
المرسل: فیصل خورشید


جواب دیں
تبصرہ کرنے سے پہلے آپ کا لاگ ان ہونا ضروری ہے۔