ﺭﮨﺎ ﻧﮧ ﺩﻝ ﻣﯿﮟ ﻭﮦ ﺍﺣﺴﺎﺱِ ﻣُﺪّﻋﺎ ﺑﺎﻗﯽ ﻧﮧ ﺭُﻭﺡ ﻣﯿﮟ ﮨﮯ…
ﺭﮨﺎ ﻧﮧ ﺩﻝ ﻣﯿﮟ ﻭﮦ ﺍﺣﺴﺎﺱِ ﻣُﺪّﻋﺎ ﺑﺎﻗﯽ
ﻧﮧ ﺭُﻭﺡ ﻣﯿﮟ ﮨﮯ ﻭﮦ ﺑﮯ ﺗﺎﺑﯽِ ﺩُﻋﺎ ﺑﺎﻗﯽ
ﻭﮦ ﻟﺐ ﭘﮧ ﺷﻮﻕ ﻭ ﻃﻠﺐ ﮐﯽ ﺣﻼﻭﺗﯿﮟ ﻧﮧ ﺭﮨﯿﮟ
ﻧﮧ ﻭﮦ ﮐﻼﻡ ﻣﯿﮟ ﺭﻧﮕﯿﻨﺊ ﺍﺩﺍ ﺑﺎﻗﯽ
ﻓﺴﺎنہِ ﺷﺐِ ﮨﺠﺮﺍﮞ ﮐﯽ ﻟﺬّﺗﯿﮟ ﻧﮧ ﺭﮨﯿﮟ
ﻧﮧ ﺍﺏ ﺫﺭﺍ ﮨﻮﺱِ ﻇُﻠﻢِ ﻧﺎﺭﻭﺍ ﺑﺎﻗﯽ
ﺷﺮﺍﺭﺗﯿﮟ ﻧﮕﮧِ ﺷﻮﻕ ﮐﯽ ﮨُﻮﺋﯿﮟ ﺭﺧﺼﺖ
ﺭﮨﺎ ﻧﮧ ﻭﻟﻮلہِ ﺁﮦِ ﻧﺎ ﺭَﺳﺎ ﺑﺎﻗﯽ
ﺩﻝِ ﺣﺰِﯾﮟ ﻣﯿﮟ ﺗﮍﭘﻨﮯ ﮐﯽ ﺳﮑّﺘﯿﮟ ﻧﮧ ﺭﮨﯿﮟ
ﻧﮧ ﺗﺎﺭ ﺍﺷﮏ ﮐﺎ ﺍﺏ ﮐﻮﺋﯽ ﺳﻠﺴﻠﮧ ﺑﺎﻗﯽ
ﮐﮭﭩﮏ ﮐﮩﯿﮟ ﻧﮧ ﺭﮨﯽ ﺩﺭﺩِ ﺟﺎﮞ ﻧﻮﺍﺯ ﮐﯽ ﺍَﺏ
ﻧﮧ ﻭﮦ ﻟﻄِﯿﻒ ﺧَﻠِﺶ ﺩﻝ ﻣﯿﮟ ﺍﺏ ﺫﺭﺍ ﺑﺎﻗﯽ
ﻏﻀﺐ ﺗﻮ ﯾﮧ ﮨﮯ، ﮐﮧ ﮨﮯ ﺳﺎﺯِ ﻋﺎﺷﻘﯽ ﺧﺎﻣﻮﺵ
ﻧﮧ ﮔُﻔﺘﮕُﻮ ﮐﻮﺋﯽ ﺑﺎﻗﯽ ﻧﮧ ﻣﺎﺟﺮﺍ ﺑﺎﻗﯽ
ﻧﮧ ﺍﺏ ﻭﮦ ﻋﺮﺽِ ﻣﻄﺎﻟﺐ ﻣﯿﮟ ﺷﻮﺧﺊ ﻋُﻨﻮﺍﮞ
ﻧﮧ ﺍﺏ ﻭﮦ ﺷﻮﻕ ﮐﯽ ﻧﯿﺮﻧﮕﺊ ﺍﺩﺍ ﺑﺎﻗﯽ
ﺭﮨﯽ ﻧﮧ ﻭصل ﮐﯽ ﻟﺬّﺕ، ﻧﮧ ﮨﺠﺮ ﮐﯽ ﮐُﻠﻔﺖ
ﺩﻭﺍﺋﮯ ﺩﺭﺩ، ﻧﮧ ﺍﺏ ﺩﺭﺩِ ﺑﮯ ﺩﻭﺍ ﺑﺎﻗﯽ
ﯾﮧ ﺩﯾﮑﮭﻨﮯ ﮐﯽ ﮨﯿﮟ ﺁﻧﮑﮭﯿﮟ، ﻧﻈﺮ ﻧﮩﯿﮟ ﺁﺗﺎ
ﮐﮧ ﺍﺏ ﻧِﮕﺎﮦ ﻣﯿﮟ ﻋِﺒﺮﺕ ﻧﮩﯿﮟ ﺫﺭﺍ ﺑﺎﻗﯽ
ﻧﮧ ﺍﺏ ﻭﮦ ﺫﻭﻕ ﻋﺒﺎﺩﺕ ﮐﯽ ﺳﻌﺊ ﻻ ﺣﺎﺻِﻞ
ﻧﮧ ﺍﺏ ﻭﮦ ﻟﺬّﺕِ ﻋﺼﯿﺎﮞ ﮐﺎ ﻭﻟﻮﻟﮧ ﺑﺎﻗﯽ
ﻧﮧ ﻭﮦ ﺑﯿﺎﺽِ ﺣﻘﯿﻘﺖ ﭘﮧ ﻧﻘﺶ ﺁﺭﺍﺋﯽ
ﺧﯿﺎﻝ ﻣﯿﮟ ﻧﮧ ﺭﮨﺎ ﺭﻧﮓِ ﻣﺎ ﺳﻮﺍ ﺑﺎﻗﯽ
ﺍﺻﻐﺮؔ ﮔﻮﻧﮉﻭﯼ
المرسل: فیصل خورشید