❞ماڈرن لڑکیاں❝
سُنہری دوپہروں ٫ رُوپہلی رُتوں میں
سُورج مُکھی کے ٫ شَگوفوں کے پاس
چناروں سے قَد ٫ اور سِتاروں سے نَین
زَر اَفشاں بَدن ٫ زُعفرانی لِباس
حَسیں گوریاں ٫ گُنگناتی پِھریں
مَٹکتی پِھریں ٫ ڈَگمگاتی پِھریں
کڑی دُھوپ میں ٫ قاش زَر سی
تَراشی ھُوئی پِنڈلیاں
لَہکتی پِھریں ٫ تَھرتھراتی پِھریں
سَجل راستوں سے ٫ گزر جائیں یہ
نگینوں بَھرے ٫ آبشاروں کی طرح
زمانوں کے دِل میں ٫ اُتر جائیں یہ
لَجیلی کٹیلی ٫ کَٹاروں کی طرح
سُنہری دوپہروں کو
ٹَھنڈک عَطا کرنے والے
خیالوں کے جادُو ٫ جگاتی پِھریں
مٹکتی پِھریں ٫ ڈَگمگاتی پِھریں
(مَجید اَمجد)
انتخاب :-: ابوالحسن علی ندوی