پیر • 5 اکتوبر 2026ء
📚 کتب خانہ ۱۴۸٬۸۹۴

​آشفتہ چنگیزی : گزر گئے ہیں جو موسم کبھی نہ آئیں گ…

​آشفتہ چنگیزی : گزر گئے ہیں جو موسم کبھی نہ آئیں گے

گزر گئے ہیں جو موسم کبھی نہ آئیں گے​
تمام دریا کسی روز ڈوب جائیں گے ​
سفر تو پہلے بھی کتنے کئے مگر اس بار​
یہ لگ رہا ہے تجھ کو بھی بھول جائیں گے ​
الاؤ ٹھنڈے ہیں لوگوں نے جاگنا چھوڑا​
کہانی ساتھ ہے لیکن کسے سنائیں گے ​
سنا ہے آگے کہیں سمتیں بانٹی جاتی ہیں ​
تم اپنی راہ چنو ساتھ چل نہ پائیں گے​
دعائیں لوریاں ماؤں کے پاس چھوڑ آئے​
بس ایک نیند بچی ہے خرید لائیں گے ​
ضرور تجھ سا بھی ہوگا کوئی زمانے میں ​
کہاں تلک تری یادوں سے جی لگائیں گے