ہے اگرچہ شہر میں اپنی شناسائی بہت
پھر بھی رہتا ہے ہمیں احساسِ تنہائی بہت
اب یہ سوچا ہے کہ اپنی ذات میں سمٹے رہیں
ہم نے کرکے دیکھ لی سب سے شناسائی بہت
منہ چھپا کر آستین میں دیر تک روتے رہے
رات ڈھلتی چاندنی میں اس کی یاد آئی بہت
اپنا سایہ بھی جدا لگتا ہے اپنی ذات سے
ہم نے اس سے دل لگانے کی سزا پائی بہت
آئینہ بن کے وہ صورت سامنے جب آئی
عکس اپنا دیکھ کر مجھ کو ہنسی آئی بہت
میں تو جھونکا تھا اسیرِ دام کیا ہوتا کلیم
اس نے زلفوں کی مجھے زنجیر پہنائی بہت

جواب دیں
تبصرہ کرنے سے پہلے آپ کا لاگ ان ہونا ضروری ہے۔