پیر • 5 اکتوبر 2026ء
📚 کتب خانہ ۱۴۸٬۸۹۴

کہاں‌ ذکر ماہ وانجم کہاں روشنی کی باتیں یہاں صبح ت…

کہاں‌ ذکر ماہ وانجم کہاں روشنی کی باتیں
یہاں صبح تک رہیں‌گی ہونہی تیرگی کی باتیں
.
ستم اے صداقت غم ابھی لوگ کر رہے ہیں
غمِ عاشقی کی لے میں‌ غمِ زندگی کی باتیں
.
لو وہ جانِ انجمن بھی سرِ بزم آن پہنچا
یہاں زیبِ گفتگو تھیں‌ابھی آپ ہی کی باتیں
.
تری آنکھ سے بھی ہو گی کبھی بحث کیف و مستی
تری زلف سے سنیں گے کبھی برہمی کی باتیں
.
ہیں صحیفہء وفا کے یہی باب دو نمایاں
مری دوستی کے قصے تیری دشمنی کی باتیں
.
ترا حسن ایک نغمہ، وہی نغمہء محبت
مرے لب پہ رقصاں کرتی ہوئی روشنی کی باتیں
.
مجھے مجھ سے چھیننے کی ابھی ہر ادا وہی ہے
وہی ان کا حسن سادہ، وہی سادگی کی باتیں
.
مری داستانِ غم پر وہ سکوتِ بے نیازی
کوئی جیسے سن رہا ہو کسی اجنبی کی باتیں
.
میں سکون دل کی خاطر کسے ڈھونڈھ لاؤں ثاقب
مجھے ہوں‌ نصیب کیسے گئی زندگی کی باتیں
.
ثاقب زیروی