پیر • 5 اکتوبر 2026ء
📚 کتب خانہ ۱۴۸٬۸۹۴

کچھ تری چشمِ توجّہ کا سہارا بھی تو ہو تلخئ زیست ب…

کچھ تری چشمِ توجّہ کا سہارا بھی تو ہو
تلخئ زیست بُری کیا ہے؟ گوارا بھی تو ہو

دلِ ناداں کو کہاں راہ پہ لانے پائے؟
اُن کی زلفوں کے خم و پیچ سے چارا بھی تو ہو

دیکھئے جس کو وہ ساحل سے لگا بیٹھا ہے
کوئی طوفانوں کے الطاف کا مارا بھی تو ہو

لن ترانی ہمیں غیروں کی گوارا ہو جائے
آپ کی بزم میں کچھ ذکر ہمارا بھی تو ہو

سرد آہوں سے نہ ہو گا کوئی پتّھر پانی
راکھ میں دل کی کہیں کوئی شرارا بھی تو ہو

کب سے موجوں کے تھپیڑوں میں ہے کشتی دل کی
دُور کتنا ہی سہی، کوئی کنارا بھی تو ہو

(نا معلوم)

المرسل :-: ابوالحسن علی ندوی