کلام ۔ میر تقی میر کتاب ۔ کلیاتِ میر دیوان اول ۔ ج…
کلام ۔ میر تقی میر
کتاب ۔ کلیاتِ میر
دیوان اول ۔ جلد اول
غزل نمبر ۳۱۱ ۔ ردیف ن
صفحہ نمبر ۔ ۱۲۰
پلکوں سے ترے شائق ہم سر جو پٹکتے ہیں
ہر دم جگروں میں کچھ کانٹے سے کھٹکتے ہیں
میں پھاڑ گریباں کو درویش ہوا آخر
وے ہاتھ سے دامن کو اب تک بھی جھٹکتے ہیں
یاد آوے ہے جب شب کو وہ چہرہٓ مہتابی
آنسو مری پلکوں سے تارے سے چھنکتے ہیں
کی راہبری میری صحراے محبت میں
یاں حضرت خضر آپھی مدت سے بھٹکتے ہیں
جاتے نہ کوئی دیکھا اس تیغ کے منھ اوپر
واں میان سے وہ لے ہے یاں یار سٹکتے ہیں
کیا تم کو اچنبھا ہے سختی کا محبت میں
دشوار ہی ہوتا ہے دل جن کے اٹکتے ہیں
تو طرہٓ جاناں سے چاہے ہے ابھی مقصد
برسوں سے پڑے ہم تو اے میؔر لٹکتے ہیں
کھٹکتے ۔ جھٹکتے ۔ چھنکتے ۔ بھٹکتے ۔ سٹکتے ۔ اٹکتے ۔ لٹکتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔”””””