پیر • 5 اکتوبر 2026ء
📚 کتب خانہ ۱۴۸٬۸۹۴

کلام ۔ فراق گورکھپوری کتاب ۔ کُلیاتِ گورکھپوری مرت…

کلام ۔ فراق گورکھپوری
کتاب ۔ کُلیاتِ گورکھپوری
مرتب : عباس تابش
صفحہ ۔ ۱۳۴ ـ ۱۳۵

کیا فغاں کیا اشکِ غم کیا نالہ مجھ ناشاد کا
تم نہ جب تک دل دُکھاوٓ لطف کیا فریاد کا

جینے والے جی رہے ہیں شاد کیا ناشاد کیا
چھیڑنا اچھا نہیں اے دوست اس روداد کا

ہم کو مٹنا ہے تو پھر تجھ کو نمایاں کر چلیں
یوں بھی کیا برباد ہونا ہستئ برباد کا

اے نگاہِ لطف ، اس مشق تغافل کے نثار
شاد ہو جانا بھی ممکن ہے کسی ناشاد کا

داستاں در داستاں ہے ماجرائے حسنِ یار
کیفت در کیفت چھڑنا ہے اس روداد کا

راز اندر راز بیباکانہ جلوے حُسن کے
کشف اندر کشف ہر عالم دلِ ناشاد کا

اک سکوتِ ناز صد ہنگامہ در ہنگامہ اور
خامشی در خامشی پردہ مری فریاد کا

قصّہ دل جس کو کل تم سنتے سنتے سو گئے
ہجر اِک پُر درد ٹکڑا تھا اِسی روداد کا

ایک ہنگامہ تو برپا ہے فراؔق اب کیا ضرور
سننے والا بھی ہو کوئی نالہ و فریاد کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔””””