پیر • 5 اکتوبر 2026ء
📚 کتب خانہ ۱۴۸٬۸۹۴

کلام ۔ جگر مراد آبادی کتاب ۔ کُلیاتِ جِگر آتشِ گل …

کلام ۔ جگر مراد آبادی
کتاب ۔ کُلیاتِ جِگر
آتشِ گل ۔ صفحہ 620

بے ربطِ حسن و عشق یہ کیف و اثر کہاں ¿
تھی زندگی عزیز ، مگر اس قدر کہاں ¿

تیرے بغیر رونقِ دیوار و در کہاں ¿
شام و سحر کا نام ہے ¿ شام و سحر کہاں ¿

کیا جانیے خیال کہاں ہے نظر کہاں !
تیری خبر کے بعد پھر اپنی خبر کہاں ¿

ہر جلوہٓ جمال ہے برقِ گریز پا
اے دل ! یہاں تجلیِ بارِ دگر کہاں ¿

مانا کہ محتسب بھی بڑا با شعور ہے
لیکن اسے نزاکتِ غم کی خبر کہاں ¿

مل کر ہجومِ جلوہ میں خود جلوہ بن گئی
پہنچا ہے کس جگہ سے مقامِ نظر کہاں ¿

آج اس کی میہمان ہے ، کل اُس کی میہماں
اس خانماں خرابِ محبت کا گھر کہاں ¿

کہنے کو اہلِ علم کی کوئی کمی نہیں
لیکن خود اپنی فکر ، خود اپنی نظر کہاں ¿

ترکِ تعلقات کو مدت گزر چکی
ظالم ترے خیال سے پھر بھی مفر کہاں ¿

ہر اعتبارِ دوست پہ صدقے ہزار جان
لیکن وہ کیفِ وعدہٓ نا معتبر کہاں ¿

عرصہ ہوا کہ رسمِ محبت بدل گئی
دامن سے وہ معاملہء چشمِ تر کہاں ¿

ہر گام پر ہے منزلِ نو جستجو طلب
جاتا ہے سر اُٹھائے ہوےٓ بے خبر کہاں ¿

صد عشرتِ نگاہِ مسلسل ، خوشا نصیب !
لیکن لطافتِ نگہِ مختصر کہاں ¿

ہر چند کائناتِ دو عالم میں ، اے جگرؔ !
انساں ہی ایک چیز ہے انساں مگر کہاں ¿
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔””””””””’