پیر • 5 اکتوبر 2026ء
📚 کتب خانہ ۱۴۸٬۸۹۴

چین میں چومتے نہیں ہیں۔۔ڈاکٹر ستیہ پال آنند


کہا تھا اُس نے کہ چین میں چومتے نہیں ہیں
کہا تھا میں نے کہ چومنا فطرتاً روا ہے
کہا تھا اُس نے کہ ہونٹ اس کے چھوئے نہیں ہیں
کسی نے اب تک
کہا تھا میں نے یہ تجربہ خوشگوار ہو گا

وہ چُپ رہی تھی
تو میں نے بانہوں میں
پھول جیسے بدن کو بھر کر
بڑے تحّمل سے
پنکھڑی جیسے نچلے لب کو
چھوا تھا ہونٹوں سے
ایک لمحے کے لاکھویں حصے کے لیے ہی

tripako tours pakistan

وہ بند آنکھیں جھپک کے جیسے
طویل عرصے کی نیند سے چونک سی گئی تھی
کھُلے ہوئے ہونٹ پر تحّیر کی ایک ہلکی لکیر سی تھی
رضا یہ ضمنی تھی، خود ارادی تھی
یا موّلف تھی اور بوسوں کے تجربے کی؟
یہ میں نہیں جانتا تھا، لیکن
اُسے پتہ تھا

Advertisements

merkit.pk

کہا تو تھا اُس نے ۔۔۔چین میں چومتے نہیں ہیں!
1973ء





بشکریہ