” چار یارِؓ مُصطفٰیﷺ "
حُسنِ اِیمان و یَقِیں ہیں چار یارِؓ مُصطفیٰۖ
مُصطفیٰ کے جانشیں ہیں چار یارِؓ مُصطفیٰۖ
حضرت صِدیقؓ و فارُوقؓ اَور عُثمانؓ و علیؓ
چار مہتابِ مُبِیں ہیں چار یارِؓ مُصطفیٰۖ
حَشر تَک جِن کی
تَجَلّی ماند پڑ سکتی نہیںتاجِ دِیں کے وہ نَگِیں ہیں چار یارِؓ مُصطفیٰۖ
اِن کو جَنَّت کی بشارَت زِندگی ہی میں مِِلی
وارِثِ خُلدِ بَرِیں ہیں چار یارِؓ مُصطفیٰۖ
اِقتِدا کی جِس نے وہ ہِدایَت پا گیا
وہ نُجُومِ خوش جَبِیں ہیں چار یارِؓ مُصطفیٰۖ
اُن کے قَدموں پر بہارِ گُلشنِ دُنیا نِثار
رَونقِ گُلزارِ دِیں ہیں چار یارِؓ مُصطفیٰۖ
جِن کی خوشبُو سے مُعَطّر ہے فضاۓ جان و دِل
ایسے گُلہاۓ حَسِیں ہیں چار یارِؓ مُصطفیٰۖ
ناز فَرما کیوں نہ ہوں اُن پر ہَم اَہلِ دِیں حَفِیظؔ
دِینِ احمَدﷺ کے امِیں ہیں چار یارِؓ مُصطفیٰۖ۔۔۔!
حفیظؔ بنارسی
