پیر • 5 اکتوبر 2026ء
📚 کتب خانہ ۱۴۸٬۸۹۴

پِھر کوئی آیا دلِ زار، نہیں کوئی نہیں راہرو ہوگ…

پِھر کوئی آیا دلِ زار، نہیں کوئی نہیں

راہرو ہوگا کہیں اور چلا جائے گا

ڈھل چُکی رات، بِکھرنے لگا تاروں کا غُبار

لڑکھڑانے لگے ایوانوں میں خوابیدہ چراغ

سو گئی راستہ تک تک کے ہر اِک راہ گُزار

اجنبی خاک نے دُھندلا دِیئے قدموں کے سُراغ

گُل کرو شمعیں، بڑھا دو مے و مینا و ایاغ

اپنے بے خواب کواڑوں کو مُقفّل کر لو

اب یہاں کوئی نہیں، کوئی نہیں، آئے گا

فیض احمد فیؔض