وہ کہ ہر عہدِ مُحبت سے مُکرتا جائے
دِل وہ ظالم کہ اُسی شخص پہ مَرتا جائے
میرے پہلو میں وہ آیا بھی تو خُوشبُو کی طرح
میں اُسے جتنا سمیٹوں وہ بِکھرتا جائے
کُھلتے جائیں جو تیرے بندِ قبا زلف کے ساتھ
رنگِ پیراہنِ شب اور نِکھرتا جائے
عشق کی نرم نگاہی سے حِنا ہوں رُخسار
حُسن وہ حُسن جو دیکھے سے نِکھرتا جائے
کیوں نہ ہم اُس کو دل و جان سے چاہیں تشنہؔ
وہ جو اک دشمنِ جاں پیار بھی کرتا جائے
(عالم تاب تشنہ)
انتخاب :-: ابوالحسن علی ندوی
جواب دیں
تبصرہ کرنے سے پہلے آپ کا لاگ ان ہونا ضروری ہے۔