پیر • 5 اکتوبر 2026ء
📚 کتب خانہ ۱۴۸٬۸۹۴

نگاہیں ملا کر بدل جانے والے مجھے تجھ سے کوئی شکایت…

نگاہیں ملا کر بدل جانے والے مجھے تجھ سے کوئی شکایت نہیں ہے
یہ دُنیا بڑے سنگدل ہے یہاں پر کسی کو کسی سے محبت نہیں ہے

جفاؤں سے تو نے میرے دل کو توڑا ۔ مجھے تو نے ظالم کہیں کا نہ چھوڑا
ہوا مجھ کو معلوم سب کچھ لٹا کر وفا کی یہاں کوئی قیمت نہیں ہے

نہ پہلے سے دن ہیں نہ پہلی سی راتیں بھلا دیں وہ تو نے محبت کی باتیں
سُنائے تھے جو تو نے جھوٹے فسانے ذرا سی بھی اُن میں حقیقت نہیں ہے

کروں جو میں فریاد اپنی زباں سے گریں ٹوٹ کر بجلیاں آسماں سے
میں اشکوں میں سارے جہاں کو بہا دوں مگر مجھ کو رونے کی عادت نہیں ہے

قتیل شفائی