پیر • 5 اکتوبر 2026ء
📚 کتب خانہ ۱۴۸٬۸۹۴

نعت پاک اے خدا سرورِ کونین کا روضہ دیکهوں ہے ت…

نعت پاک

اے خدا سرورِ کونین کا روضہ دیکهوں
ہے تمنا مرے دل میں کہ مدینہ دیکهوں

چوم لوں چشم عقیدت سے در آقا ﷺ کو
چشم آداب سے میں گنبدِ خضرا دیکهوں

جبکہ ہو پیش نظر میرے سنہری جالی
دیر تک کیوں نہ میں منظر وہ سہانا دیکهوں

بارش نور نہ کیوں میرے خیالوں میں ہو
جب تصور میں تجهے اے شہہ بطحاﷺ دیکهوں

خانۂ کعبہ سے لوٹوں جو مدینے کو میں
ہے تمنا کہ وہاں فیض کا دریا دیکهوں

مدتوں سے یہ ہے ارمان مرے دل میں 'سحر'
خواب ہی میں کسی شب صورتِ آقاﷺ دیکهوں

بشریٰ سحر