میرے ایمان پہ شک چھوڑ دے ناداں جاناں – امجد علی راجا

میرے ایمان پہ شک چھوڑ دے ناداں جاناں

پانچویں شادی نہیں کرتا مسلماں جاناں

کس طرح سیر کراؤں تجھے تاروں سے پرے

آ ٹپکتی ہے سر شام تری ماں جاناں

رشک کیسے نه رقیبوں کے مقدر په کروں

وه پریشان سہی میں ہوں پشیماں جاناں

جب سے آئی ہو، ہر اک دن ہے بڑی عید کا دن

روز بکرے کی طرح ہوتا ہوں قرباں جاناں

بول دیں گے ہمیں جانا ہے کہیں دعوت پر

لنچ کے وقت اگر آگئے مہماں جاناں

آپ کی زره نوازی سے شکسته ٹھہرے

سبھی بیلن سبھی برتن سبھی گلداں جاناں

اب جہاں حشر کا میدان سجا ہے بیگم

اول اول یہی ہوتا تھا شبستاں جاناں

میری نیندوں میں بھی جاگے گی انوشکا شرما

تیرے خوابوں میں اگر آئے گا سلطاں جاناں

[button color=”black” size=”medium” link=”http://” icon=”” target=”false”]امجد علی راجا[/button]