مرزا نوشہ سے کہا ہے کہ معافی دلوائیں میں خاکم بدہن…
مرزا نوشہ سے کہا ہے کہ معافی دلوائیں
میں خاکم بدہن کہتا رہا میرؔ پہ خاک
_________________________
جس سے پڑتی ہو کسی جبہء توقیر پہ خاک
ایسی جاگیر پہ اور صاحب ِ جاگیر پہ خاک
چاہے میں ساتویں در میں بھی چھپا کر رکھوں
جم ہی جاتی ہے مری جاں تری تصویر پہ خاک
مجھ کو نسبت کے شرف نے یہ کیا ہے تعلیم
خاک اُس پر جو کہے حلقہء زنجیر پہ خاک
مرزا نوشہ سے کہا ہے کہ معافی دلوائیں
میں خاکم بدہن کہتا رہا میرؔ پہ خاک
اُس کی آواز پہ میں دیر سے پہنچا تابش
ایسی تاخیر پہ اور باعث ِ تاخیر پہ خاک
عباس تابش