قدرِ مُشترک وفا اور بے وفائی میں جو قدرِ مشترک …
قدرِ مُشترک
وفا اور بے وفائی میں جو قدرِ مشترک ہے
اَب اسے معلوم کرنا ہے
اگر ’’ لا ‘‘ کے مساوی تُم ہو
اور مَیں کیفِ بیش و کم کی منزل میں معلّق ہُوں
تو ایسا ہے
کہ اَب کچھ نسبتیں تبدیل ہونی ہیں
ذرا سی کسر باقی ہے
ہمیں اِک دُوسرے کو بھُول جانے میں
ذرا سی دیر باقی ہے
ہمیں اِک دُوسرے کو بے وفا کہہ کر
کہیں تازہ وفا کے خار و خَس دریافت کرنے میں
خالد شریف