پیر • 5 اکتوبر 2026ء
📚 کتب خانہ ۱۴۸٬۸۹۴

( غیـــر مطبــوعــہ ) نہ میں اندھیرے میں آیا ‘ نہ روشنی کے قریب بس ایک فرق سے…

( غیـــر مطبــوعــہ )

نہ میں اندھیرے میں آیا ‘ نہ روشنی کے قریب
بس ایک فرق سے بیٹھا رہا کسی کے قریب

پھر اُس کی یاد بھلانے میں ساری عُمر لگی
کہ جس سے دُور ہوئے تھے ‘ رہے اُسی کے قریب

کوئی مِلا نہ مِلا ‘ کوئی آ سکا نہ سکا !
مگر وہ شام تو ڈھلتی رہی گلی کے قریب

وہی سراب تھا پیچھے بھی اور آگے بھی
میں دوُر جاتا ہوا ‘ آ گیا کسی کے قریب

ہر ایک چھت پہ بکھرتی ہے چاندنی ‘ لیکن
کسی کسی کو میسّــر’ کسی کسی کے قریب

پھر ایک روز لیا خود سے انتقام کہ مَیں
اُداس ہوتا ہوا ۔۔۔۔۔ ہو گیا خوشی کے قریب

( مقصُــــود وفــاؔ )