( غیــر مطبـوعـہ ) سُنا ہے، کیـچـــڑ کے سوکھنے پر…

( غیــر مطبـوعـہ )

سُنا ہے، کیـچـــڑ کے سوکھنے پر، حیات چـولا بدل رہی تھی
شجر سے نیچے اتر کے خلقت، نحیف قدموں پہ چل رہی تھی

وسیـــــع رقبے کا بے نہــایت، خطیـــــــــر ملبہ سمٹ رہا تھا
ضعیفــــــ تارے کی دھونکنی سے، مہیب ظلمت ابل رہی تھی

طواف کرتی ہَوا کا رونا، مٙطــــــافــــــــ میں غُل مچا رہا تھا
حرم کے پھاٹک سے بین کرتی، کوئی سواری نکل رہی تھی

وبا کی آفت کا تازیانہ، ســـــیاہ پُشــــــتوں پہ پڑ چـکا تھـــــا
نگار خـانے کے طاـــقچے میں، خبر کی ہانڈی ابل رہی تھی

فلکـــ کے کوٹھے پہ دیکھتا ہوں، نیا ســتارہ چمکــــ رہا ہے
زمین پہ گرنےسے قبل شاید شعاع قرنوں سے چل رہی تھی

سلام کرتی ہوئی سَـــحَــــر کا، کِـــــواڑ چــوپٹ کُھلا ہوا تھا
فلکــــ کا نیلم چمکـــ رہا تھا، ندی میں چاندی پگھل رہی تھی

سفـــر کا صــفحـہ کُھـــلا تو اس پر، فنا کا نقشـہ بنا ہوا تھا
ہمــارا نشّـہ اتر چـکا تھـــا، ہمـــاری مسـتی سنبھل رہی تھی

( احـمد ؔجہـاں گیر )