( غیــر مطبــوعــہ ) میں جیـــا بعد میں ‘ مَ…
( غیــر مطبــوعــہ )
میں جیـــا بعد میں ‘ مَرا پہلے
لفظ لکّھا ہے دوسرا ‘ پہلے
آپ جیتـے رہیں، میں جــاتا ہوں
ہے دعا یا کہ بَد دعا پہلے؟
جو بھی کہنا ہے بعد میں کہنا
بعد والے نے یہ کہا ‘ پہلے
ظلمتِ شب کے غم کا باعث ہے
روشنی بعد میں دیا پہلے
کس کے جانے کے بعد مَیں پہنچا
میرے آنے سے کون تھا پہلے ؟
خود کو پتّھر کہا تھا مٹّی نے
گرد اڑنے سے کچھ ذرا پہلے
( علی شِیـــرانؔ )