( غیــر مطبــوعــہ ) مِرے ہاتھ میں کبھی ہات دے …
( غیــر مطبــوعــہ )
مِرے ہاتھ میں کبھی ہات دے ! مِِرا ساتھ دے
مِری زندگی کو ثبات دے ! مِرا ساتھ دے
رہِ ِ عشق میں نہیں ہار جیت کا مسئَلہ
مجھے جیت یا مجھے مات دے ! مِرا ساتھ دے
کہیں قربتیں ! کہیں راحتیں ! کہیں مشـکلیں
مِرا ہر مقام پہ ساتھ دے ! مِرا ساتھ دے
میں تو نرم نرم کپاس ہوں ‘ کوئی شکل دے
مجھے عشق چرخے میں کات دے ! مِرا ساتھ دے
ہے تری رضا ‘ تو سنوار دےکہ بگاڑ دے
تُو حیات دے کہ ممات دے ! مِرا ساتھ دے
مِرے اوجِ فکر کی دنیا والے مثال دیں
مجھے ایسی اعلیٰ صفات دے ! مِرا ساتھ دے
مِرے دل کو اپنی مَحبّتوں سے اُجال کر
مجھے شبنمی کوئی رات دے ‘ مِرا ساتھ دے
( گُل ِ رابیلؔ )