( غیــر مطبــوعــہ ) مِرا بننا سنورنا اپنی جا ہے …

( غیــر مطبــوعــہ )

مِرا بننا سنورنا اپنی جا ہے
تِرا دکُھ تو وگرنہ اپنی جا ہے

بہُت برداشت ہے دیوار و دَر کی
کہاں اِس گھر میں ورنہ اپنی جا ہے

میں مثل سنگ ِ کہسار ِ گراں ہوں
مِرے اندر کا جَھرنا اپنی جا ہے

بَہ جا ہے چادرِ شب کی دمک بھی
ستاروں کا بکھرنا اپنی جا ہے

گذر گاہ ِزمانہ بھی ہے ‘ لیکن
ترا دل سے گزرنا اپنی جا ہے

حَسیں وعدے کئے تھے اُس نے’ جــاناںؔ !
اُنہیں ایفا نہ کرنا اپنی جا ہے

( جــاناںؔ ملَکـــــ )