پیر • 5 اکتوبر 2026ء
📚 کتب خانہ ۱۴۸٬۸۹۴

( غیــر مطبــوعــہ ) منطقیں لاکھ اُٹھـــا لاؤ خِـ…

( غیــر مطبــوعــہ )

منطقیں لاکھ اُٹھـــا لاؤ خِــرَد خانے سے
آئنہ بات سـمَجھــتا نہیں سمجھـــانے سے

ہجرتِ خانہ بَہ دوشاں بھی کوئی ہجرت ہے
ہم تو ویرانے میں آئے کسی ویرانے سے

زندگی ! ہم تجھے سانسوں میں گِنا کرتے ہیں
ماپتے کب ہیں مہ و سـال کے پیمانے سے

بوکھلا جاتے ہیں تھوڑی سے پریشانی میں
کام کچھ اور بگـڑ جـاتا ہے گھبـرانے سے

ہجـــرت و ہجـــر کا جب باب مکمّــل ہو گا
میرا کـــردار نکل جائے گا افســـــانے سے

ورنہ لے ڈوبا تھا مجھ کو تو طلِســـــمِ دریا
ایک جھونکے نے جھنجوڑا تھا مجھے شانے سے

( ســـجّــــادؔ بلــوچ )