پیر • 5 اکتوبر 2026ء
📚 کتب خانہ ۱۴۸٬۸۹۴

( غیــر مطبــوعــہ ) عشق میں رُوز و شــبانہ گُفت …

( غیــر مطبــوعــہ )

عشق میں رُوز و شــبانہ گُفت گُو
گُفت گُو اُور والہـــــــانہ گفت گُو

اِک ستارہ ہوگا مجھ سے ہم کلام
اور سُـنے گا اک زمـانہ گفت گُو

یاد رہ جــانا لب و لہجـــہ کُـوئی
اور اکثـر بُھول جــــــانا گُفت گُو

وہ جماِل چشم و لب ‘ مِژگان و زلف
اُس پہ ایسی عـــارِفانہ گُفت گُو

یہ بھی کیا’ اُس سے مِلے ہم ایک پَل
اَور ۔۔ اِِس پر اک زمانہ گُفت گُو

کر رہی ہیں اُس کی یادیں صبح و شام
شـــاخِ دل پر طـــائرانہ گُفت گُو

ہم نے مانا ۔۔۔ عِلم سے ہو نا بلَد
پھر بھی ایسی ؟ عالِمانہ گُفت گُو

کھا چکے ہو دَرحقیقت تم شکست
کر رہـے ہو فاتحــــانہ گُفت گُو

پیڑ’ پنچھی ‘ پَر ، پریشاں آشیاں
آندھیـــوں کـی تازیــانہ گُفت گُو

تِنکا تنکا ہو کے میری داستاں
کر رہی ہے’ آشــــیانہ گُفت گُو

میں نے خود سے بارہا کی ہے’ حَیــاؔ !
شــوقِ فن میں شـاعِرانہ گُفت گُو

( حَـیـــاؔ حَـیـات )