( غیــر مطبــوعــہ )
تم جہاں تھے’ وہاں کے تھے ہی نہیں
یعنی ۔۔۔ تم اُس جہاں کے تھے ہی نہیں
کیســے الجھےـــ ہیـں کار ِ دُنیـــا میں
ہم جو سُـود و زیاں کے تھے ہی نہیں
میں تو اک وَحشــت ِ دِگـــر میں تھا
مسئَلے جسم وجاں کے تھے ہی نہیں
دشـــت ِجــــاں سے نگاہِ یار تلکــــــ
راســـتے دَرمیـاں کے تھے ہی نہیں
کیوں مِــری داســتاں کا حصّــہ ہیں
جو مِری داستاں کے تھے ہی نہیں
خواب ۔۔۔ بے برگ و بار کیسے ہوئے؟
جب کہ یہ دن خزاں کے تھے ہی نہیں
( اِقبـــال خــــاوَر ؔ )

جواب دیں
تبصرہ کرنے سے پہلے آپ کا لاگ ان ہونا ضروری ہے۔