پیر • 5 اکتوبر 2026ء
📚 کتب خانہ ۱۴۸٬۸۹۴

( غیــر مطبــوعــہ ) اپنی صورت عیاں جو تُو نہ کرے…

( غیــر مطبــوعــہ )

اپنی صورت عیاں جو تُو نہ کرے
آسماں پر دھنک نمُو نہ کرے

دل کے خیمے میں سو چکی سَــمُّـو
توکلی وِرد ِ اللہ ہُو نہ کرے

دشت کی ہیں ببُول کیا ؟ مِــژگاں
نم جنھیں چشــم ِ آب جُو نہ کرے

خاک ہونا بھی کیا تیمُّم ہے
کیا شہید ِ وفا وضُو نہ کرے ؟؟

کیسے پُورا بیان ِ دل ہو ‘ ظفــرؔ !
جب تلَک گُفت گُو لہُو نہ کرے

( صــابِـر ظفــرؔ )