( غیر مطبوعہ ) کیــــــا ریت میں شیـــــشہ بھانپ …

( غیر مطبوعہ )

کیــــــا ریت میں شیـــــشہ بھانپ چکا، کب آنکھ لڑائی تاروں سے
کیا اڑن کھٹولے پر بیٹھا، انسان نکل کر غاروں سے

کس رنگـــــــ کا ایندھن جــــــلتا ہے، کِس بٙل پہ یہ ڈولا چـلتا ہے
کس سَمت مســــافـــر جاتے ہیں، کوئی پوچھے یار کہاروں سے

ہر فصل اتاری ہے سر سے ، کوئی خاکسـتر سے اٹّھا ہے
ہاں چھــــاج کی چھلنی پھینکـــ چکا، آزاد ہے ڈیرے داروں سے

غوغــــا ہے کسی کی خلقت کا ، یہ آگـــــ اور پانی، خاکــــ، ہوا
کس ســــانس نے بٙھٹّا پھــــونکا ہے، یہ کون بنا اِن چاروں سے

ہٹ جـــــــــاؤ کہ پـــردہ ہٹتا ہے، زنجیـــــــــــر کا لوہا کٹتا ہے
پر باندھ کے اڑتا ہے آدم، تاریـــــخ ! تِرے میــــــــــناروں سے

مجھ آنکھ ازل سے سوئی نہیں، کہیو ۔ ۔ کوئی ہے یا کوئی نہیں
آواز کســــــی کی آتی ہے ، ان اپرم پار کناروں سے

کوئی تان لگا دے مســـــتی کی، کوئی بات خــدا کی بســــتی کی
ہم خاکــ پہ رونے والوں سے ، ہم ابر کے ماتم داروں سے

( احـــــــمد جہـــــاں گیــر )