غیر مرّدف ہم قافیہ فِراقؔ گورکھپوری مُحسِنؔ نقوی …
غیر مرّدف
ہم قافیہ
فِراقؔ گورکھپوری
مُحسِنؔ نقوی
۔۔۔۔۔
دیکھ محبّت کا یہ عالم
ساز بھی کم کم سوز بھی کم کم
یہ شِیرازہء دِل کا عالم ہے
یکجا یکجا برہم برہم
حُسنِ گُلستاں شُعلہ و شبنم
سوزاں سوزاں پُرنم پُرنم
ساکت ساکت شورِشِ عالم
دِل کی صدا بھی مدّھم مدّھم
عالم عالم عِشق بھی تنہا
تنہا حُسن بھی عالم عالم
یہ کیا کم ہے عِشق کا حاصِل
کُچھ مُجھ کو غم کُچھ تُجھ کو غم
رنگ ہے کِس کا رُوپ ہے کِس کا
نِکھرا نِکھرا مُبہم مُبہم
دِل کی جراحت تیری محبّت
ایسا زخم نہ ایسا مرہم
آتی بہاریں جاتی بہاریں
دونوں کا حاصِل دیدہء پُرنم
عِشق میں سچ ہی کا رونا ہے
جُھوٹے نہیں تُم جُھوٹے نہیں ہم
ہم نے بھی آج فِراقؔ کو دیکھا
سوز مُکمّل درد مُجسّم۔۔۔!
۔۔۔۔۔
رات کی زُلفیں برہم برہم
درد کی لَو ہے مدّھم مدّھم
میرے قِصّے گلیوں گلیوں
تیرا چرچا عالم عالم
پتّھر پتّھر عِشق کی راتیں
حُسن کی باتیں ریشم ریشم
یاقُوتی ہونٹوں پر چمکیں
اُس کی آنکھیں نیلم نیلم
چہرہ لال گُلاب کا موسم
بھیگی پلکیں شبنم شبنم
ایک جزا ہے جنّت جنّت
ایک خطا ہے آدم آدم
ایک لہُو کے رنگ میں غلطاں
مقتل مقتل پرچم پرچم
ایک عذاب ہے بستی بستی
ایک صدا ہے ماتم ماتم
ساری لاشیں ٹُکڑے ٹُکڑے
ساری آنکھیں پُرنم پُرنم
ہِجر کے لمحے زخمی زخمی
اُس کی یادیں مرہم مرہم
داد طلب اِعجازِ عِصمت
عیسٰی عیسٰی مریم مریم۔۔۔!
بشُکریہ عُمر جاوید خان
غیر مرّدف
ہم قافیہ
فِراقؔ گورکھپوری
مُحسِنؔ نقوی
۔۔۔۔۔
دیکھ محبّت کا یہ عالم
ساز بھی کم کم سوز بھی کم کم
یہ شِیرازہء دِل کا عالم ہے
یکجا یکجا برہم برہم
حُسنِ گُلستاں شُعلہ و شبنم
سوزاں سوزاں پُرنم پُرنم
ساکت ساکت شورِشِ عالم
دِل کی صدا بھی مدّھم مدّھم
عالم عالم عِشق بھی تنہا
تنہا حُسن بھی عالم عالم
یہ کیا کم ہے عِشق کا حاصِل
کُچھ مُجھ کو غم کُچھ تُجھ کو غم
رنگ ہے کِس کا رُوپ ہے کِس کا
نِکھرا نِکھرا مُبہم مُبہم
دِل کی جراحت تیری محبّت
ایسا زخم نہ ایسا مرہم
آتی بہاریں جاتی بہاریں
دونوں کا حاصِل دیدہء پُرنم
عِشق میں سچ ہی کا رونا ہے
جُھوٹے نہیں تُم جُھوٹے نہیں ہم
ہم نے بھی آج فِراقؔ کو دیکھا
سوز مُکمّل درد مُجسّم۔۔۔!
۔۔۔۔۔
رات کی زُلفیں برہم برہم
درد کی لَو ہے مدّھم مدّھم
میرے قِصّے گلیوں گلیوں
تیرا چرچا عالم عالم
پتّھر پتّھر عِشق کی راتیں
حُسن کی باتیں ریشم ریشم
یاقُوتی ہونٹوں پر چمکیں
اُس کی آنکھیں نیلم نیلم
چہرہ لال گُلاب کا موسم
بھیگی پلکیں شبنم شبنم
ایک جزا ہے جنّت جنّت
ایک خطا ہے آدم آدم
ایک لہُو کے رنگ میں غلطاں
مقتل مقتل پرچم پرچم
ایک عذاب ہے بستی بستی
ایک صدا ہے ماتم ماتم
ساری لاشیں ٹُکڑے ٹُکڑے
ساری آنکھیں پُرنم پُرنم
ہِجر کے لمحے زخمی زخمی
اُس کی یادیں مرہم مرہم
داد طلب اِعجازِ عِصمت
عیسٰی عیسٰی مریم مریم۔۔۔!
بشُکریہ عُمر جاوید خان