شہزاد نیر ایک آفاقی شاعر
میجر شہزاد نیر 29 مئی 1973 میں گوجرانوالہ کے نوا حی قصبہ گوندلانوالہ میں پیدا ھوئے۔۔۔۔۔۔ابتدائی تعلیم آپ نے گوجرانوالہ سے حاصل کی۔۔۔۔۔۔۔۔ ایف سی کالج لاھور سے انٹرمیڈیٹ کرنے کے بعد عسکری ملازمت اختیار کر لی۔۔۔۔۔اور مختلف مقامات پر تعینات رھے ۔۔۔۔۔۔۔۔۔
آپ نے ایم اے اردو فرسٹ ڈویژن میں کرنے کے بعد میس کمیونیکیشن میں ماسٹر ڈگری حاصل کی۔۔۔۔۔ فارسی زبان ِادب میں ڈپلومہ حاصل کیا۔۔۔۔۔ آپکو عربی زبان سے بھی واقفیت ھے۔۔۔۔
شعر و ادب کے ساتھ رغبت کا آغاز اسکول کے زمانے سے ھی ھو گیا اور خود بخود اشعار ھونے لگے ۔۔۔۔۔۔ متعدد ادبی جرائد مثلاً فنون ، اوراق ، معاصر وغیرہ میں آپکا کلام شائع ھوتا رھا ۔۔۔۔۔۔
آپ نے ملکی و غیر ملکی ادب کے پُر شوق قاری ہیں۔۔۔۔۔۔برطانیہ، فرانس، سعودی عریبیہ اور متحدہ عرب امارات کے یاد گار بین الاقوامی مشاعروں میں شرکت کی۔۔۔
ادبی تنقید اور لسانیات میں گہری دلچسپی رکھتے ہیں ۔۔۔۔۔۔۔۔۔۔۔ادبی تنقید پر آپ کے متعدد مقالے شائع ھو چکے ہیں ۔۔۔۔۔۔۔۔۔
شہزاد نیر صاحب کے چند اشعار قارئین کی نزر
نیستی ھے کمال ھستی کا
انتہائے طرب اداسی ھے
دل میں بس دو مکین رہ پائے
پہلے اُلفت تھی اب اُداسی ھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں چُپ رھتا تو بچ سکتی تھی گردن
مگر یہ فطرت ِبے باک میری
مجھے ھی بھوک میں کھانے کو دوڑے تمنا اس قدر سفاک میری
مرے پہلے گنہہ کے بعد نیر
بہت روئی سرشت ِپاک میری
۔۔۔۔۔۔۔۔۔۔۔۔۔۔۔
چلتے پھرتے اسے بندش کا گماں تک نہ رہے
اُس نے انسان کو اس درجہ کشادہ باندھا
۔۔۔۔۔۔۔۔۔۔۔۔۔۔۔۔۔۔۔۔
فلک سے رفتگاں نے جھک کے دیکھا
بساط ِ خاک سے اٹھنا ھمارا
۔۔۔۔۔۔۔۔۔۔۔۔۔۔۔۔۔۔
ایک جگنو کو ہتھیلی سے اڑانے والے
مل نہ پائیں گے کبھی چاند ستارے تم کو
۔۔۔۔۔۔۔۔۔۔۔۔۔۔۔۔۔۔۔۔۔
اس سمت سمیٹوں تو بکھرتا ہے اُدھر سے
دکھ دیتے ہوئے یار نے دامن نہیں دیکھا
۔۔۔۔۔۔۔۔۔۔۔۔۔۔۔۔۔۔۔۔۔۔۔
جا بجا دیکھنے پڑتے ہیں اُدھڑتے منظر
کاش اندر کو کُھلی آنکھ بھی سی لی ھوتی
۔۔۔۔۔۔۔۔۔۔۔۔۔۔۔۔۔۔۔۔۔
جا بجا دیکھنے پڑتے ہیں اُدھڑتے منظر
کاش اندر کو کُھلی آنکھ بھی سی لی ھوتی
۔۔۔۔۔۔۔۔۔۔۔۔۔۔۔۔۔۔۔۔۔
جسے بلائو وہ باردو بن کے پھٹتا ہے
یہ لوگ کون سا ہیجان لے کے چلتے ہیں
۔۔۔۔۔۔۔۔۔۔۔۔۔۔۔۔
بھولو کبھی نہ دید کا فن دیکھتے رھو
گر بھی پڑو تو خاک ِچمن دیکھتے رھو
اپنی اڑائی دھول نہ اپنے ھی سر پڑے
چلتے ھوئے ھوا کا چلن دیکھتے رھو
اُس کی طرف سے آپ ھی خود کو پکار کر
پہروں پھر اُس صدا کا بدن دیکھتے رھو
۔۔۔۔۔۔۔۔۔۔۔۔۔۔
گر جائیں زمیں پر تو سنبھالے نہیں جاتے
بازار میں دکھ درد اچھالے نہیں جاتے
اب مجھ سے ان آنکھوں کی حفاظت نہیں ھوتی
اب مجھ سے ترے خواب سنبھالے نہیں جاتے
۔۔۔۔۔۔۔۔۔۔۔۔۔۔۔۔۔۔۔۔۔
اب کوئی نیند کی سولی سے اتارے تم کو
مار ڈالیں نہ کہیں خواب تمہارے تم کو
۔۔۔۔۔۔۔۔۔۔۔۔۔۔۔۔
تم محبت تلاش کرتے ہو ۔۔!
اس کا تو خاندان بھی نہ رہا
اس سے کچھمانگنا نہیں نیر
کیا کرو گے جومان بھی نہ رہا
۔۔۔۔۔۔۔۔۔۔۔۔۔۔۔
شکستہ گھر میں پرندوں کو جب ٹھکانہ ملا
میں خوش ہوا کہ مرے گھر کو بھی گھرانہ ملا
فلک پہ اڑتے ہوئے بھی نظر زمیں پہ رہی
مزاج مجھ کو مقدر سے طائرانہ ملا
جواب دیں
تبصرہ کرنے سے پہلے آپ کا لاگ ان ہونا ضروری ہے۔