شہریار
جہاں میں ہونے کو اے دوست! یُوں تو سب ہوگا
تِرے لبوں پہ مِرے لب ہوں، ایسا کب ہوگا
اِسی اُمید پہ کب سے دھڑک رہا ہے دِل
تِرے حضُور کسی روز یہ طلب ہوگا
مکاں تو ہوں گے، مکینوں سے سب مگر خالی
یہاں بھی دیکھو تماشا یہ ایک شب ہوگا
کوئی نہیں ہے جو بتلائے میرے لوگوں کو
ہَوا کے رُخ کے بدلنے سے کیا غضب ہوگا
نہ جانے کیوں مجھے لگتا ہے ایسا، حاکمِ شہر !
جو حادثہ، نہیں پہلے ہُوا وہ اب ہوگا
شہریار
(نیند کی کرچیں)

جواب دیں
تبصرہ کرنے سے پہلے آپ کا لاگ ان ہونا ضروری ہے۔