سرمایۂ حیات ہے سِیرت رسولﷺ کی اسرارِ کائنات ہے سِ…
سرمایۂ حیات ہے سِیرت رسولﷺ کی
اسرارِ کائنات ہے سِیرت رسولﷺ کی
پُھولوں میں ہے ظہُور ستاروں میں نُور ہے
ذاتِ خُدا کی بات ہے سِیرت رسولﷺ کی
بنجر دِلوں کو آپ نے سیراب کر دیا
اِک چشمۂ صفات ہے سِیرت رسولﷺ کی
چشمِ کلیم ایک تجلّی میں بِک گئی
جلوؤں کی واردات ہے سیرت رسولﷺ کی
جور و جفا کے واسطے برقِ ستم سہے
دُنیائے التفات ہے سیرت رسولﷺ کی
تصویرِ زندگی کو تکلّم عطا کیا
حُسنِ تصّورات ہے سیرت رسولﷺ کی
ساغرؔ سرور و کیف کے ساغرؔ چھلک اُٹھے
صبحِ تجلّیات ہے سیرت رسولﷺ کی
(ساغرؔ نظامی)
المرسل :-: ابوالحسن علی ندوی