پیر • 5 اکتوبر 2026ء
📚 کتب خانہ ۱۴۸٬۸۹۴

رمضان کی برکتیں ہو محمدﷺ سے وفا تو زندگی بن جائے …

رمضان کی برکتیں

ہو محمدﷺ سے وفا تو زندگی بن جائے گی
دل میں ہو حب خدا تو بندگی بن جائے گی

اک خزانہ ساتھ لے کر ماہ رمضان آگیا
رحمتوں، بخشش، عنایت کی لڑی بن جائے گی

مشکلوں میں حوصلہ رکھو نہ گھبراؤ ذرا
مانگئے دل سے دعا بگڑی ہوئی بن جائے گی

شکر سے سحری کرو ڈرتے رہو اللہ سے
اور کرو افطار برکت کی جھڑی بن جائے گی

فاطمہؔ مولا کے صدقے مانگ لو تم بھی دعا
بات جو بگڑی ہوئی ہے وہ تری بن جائے گی